مواقف مضحكه

السلام عليكم


يا شباب عاوزين كل واحد يقول على موقف لزيز حصلو او اى موقف صعب محرج اى موقف


وانا هبدا بموقف حصلى وانا كنت فى تانيه ثانوى


كنت راكب انا واتنين اصحابى فى االمنى باص ورايحيين المدرسه كنا قاعدين على الكرسى الكبير اللى بيشيل اتنين بس احنا التلاته كنا قاعدين عليه وانا كنت قاعد جنب الشباك وكان فى واحده فى الكرسى اللى قدامنا قاعده عندها حوالى 25 سنه وكان فى واحده تانيه اكبر فى السن شويه واقفه جنبنا عشان مكنش فى مكان المهم الست التانيه دى كانت عنيها زرقاء

انا قاعد مش مركز فى اى حاجه وبتفرج على الناس والشارع والمحلات وكده

البنت اللى عندها حوالى 25 سنه دى نزلت وقعدت مكانها الست التانيه امو عنين زرقاء وانا مش شايف اى حاجه

المهم صحابى بيكلمو بعض بيقلو جامده اوى
انا سمعت الكلمه قلتلو يابنى حرام عليك دى قد امك انا طبعا افتكرو بيتكلم عن الست امو عنين زرقاء اللى انا افتكراهل نزلت لما مالقتهاش واقفه جنبنا
صحبى يقلى يابنى اسكت وانا باعلى صوتى يابنى حرام عليك دى قد امك الواد يقلى يابنى ششششش مش قذدنا على الست الكبيره وبيقول الكلام ده طبعا وهو موطى صوتو وانا اقلو يابنى مش انت تقصد امو عنين زرقاء
وبعد تكرار نفس الكلمه فوجئت بالعنين الزرقاء دى فى وشى



والله انا معرفتش اتكلم الكلام كلو وقف والمشكله ان الست كانت بتبص بتشوف مين اللى بيتكلم من اللى قاعدين وراها يعنى كنت ممكن ادور وشى ولا اكنى انا اللى كنت بتكلم بس للاسف من الصدمه ماعرفتش

المشكله الكبيره انى جيت احلها عكيت الدنيا اكتر قلتالها على فكره انا مجبتش سيرتك فى حاجه وحشه

بلاش اكمل الباقى بقى لانو شبه معروف